Almaty qalasynyń ákimi Baqytjan Saǵyntaev Instagram paraqshasynda kitaphanalar bazasynda balalar men jastarǵa paidaly ortalyqtar qurý týraly aitty, dep habarlaidy "Ult aqparat".
Qalada ákimniń tapsyrmasy boiynsha megapolistiń kitaphana júiesin modernizatsiialaý jalǵasyp jatyr. Byltyrdan beri 10 kitaphana tolyqtai jańartyldy.
«Qazir bul oryndar shań basqan kitap qoimasy emes, zamanaýi kitap úiine ainaldy. Altynsarin dańǵylyndaǵy 37-úide ornalasqan Qazaqstandyq jazýshylar kitaphanasyna barǵanymda ákimdiktiń qoldaýymen shyǵarylǵan sóz sheberleriniń basylymy tanystyryldy. Jalpy taralymy 65 myń dana bolatyn 30 túrli kitap qalanyń barlyq kitaphanasyna taratyldy», - dep jazdy B. Saǵyntaev.
Sondai-aq qala ákimi Alataý aýdanyndaǵy jańartylǵan №44, Túrksibtegi №26 men №1 kitaphanalarda boldy.
«Kitap saqtaýdyń zamanaýi júiesi ondaǵy bos aimaqty tiimdi paidalanýǵa, iaǵni shyǵarmashylyq, sheberlik sabaqtaryna, otbasylyq oqý saǵattaryn ótkizýge oryn bólýge múmkindik beredi. Biz kitaphanalardyń jumys ýaqytyn barynsha uzartyp, demalyssyz qyzmet kórsetýine tyrystyq. Kitaphananyń barynsha qoljetimdi ári kelýshi úshin qyzyqty bolýyna mán berdik», - dedi ákim.
Osy maqsatta tanymal jáne jas jazýshylarmen kezdesýler, shyǵarmashylyq keshter men taqyryptyq úiirmeler ótkiziledi.
«Jańǵyrtýdan keiin oqyrmandar sany 25%-ǵa, kei jerde 50%-ǵa kóbeidi. Ásirese, onyń kóbi balalar ekeni qýantady», - dep atap ótti B. Saǵyntaev.
