Almaty zoobaǵynda zebra qulyndady, dep habarlady QazAqparat.
14 qyrkúiek kúni Chapman zebrasy jubynda tórtinshi ala qulyn dúniege keldi.
Atalyq zebra – Richard 21 jasta. Ol Almaty zoobaǵyna bir jasynda Boinitsadan ákelindi. Onyń juby Chapa - Kopengagennen. Qazir ol - 13 jasta.
Chapman zebralary Afrikanyń ońtústiginde kezdesedi – Angola, Botsvana, Zimbabve, Namibiia jáne Ońtústik Afrika Respýblikasynda. Bul janýar qorǵaý men qamqorlyqty qajet etetin bolǵandyqtan qyzyl kitapqa engen.
Analyq zebranyń júktiligi 370-390 kúnge sozylady. Kóbine bir, keide eki qulyn týady. Ádette, jańa týǵan qulyn 10-15 minýttan keiin aiaǵynan tik turyp, júrip ketedi.
«Bizdiń kishkentai zebramyzdyń býyny qataiyp, ósip keledi. Endi oǵan erekshe at qoiǵymyz keledi. Óz nusqalaryńyzdy aityp, usynystaryńyzdy paraqshamyzǵa jazyńyzdar», - dep habarlady zoobaqtan.
Altyn kúz keldi. Haiýanattar baǵynyń ár turǵyny jyldyń osy mezgilin erekshe sezinedi. Ońtústik astanada aýa raiy áli jyly bolǵandyqtan, haiýanattar baǵynyń keibir turǵyndary kúnge qyzdyrynyp jatqandy jaqsy kóredi.
Mysaly, kengýrý kún sáýlesi jaqsy túsetin jerde jatady, az qozǵalýǵa tyrysady. Zebra, jiraf, pil, arystanda da sonyń qatarynda.
Zoobaqtaǵy qustar men tiin de aldaǵy qys mezgiline daiyndalýda.
Tiinder qysqy qorekterin inderine tasyp jatyr.
