Almaty zoobaǵynda iagýar kúshiktedi. Bul jergilikti iagýarlardyń ekinshi tóli, dep habarlaidy "Ult aqparat".
Haiýanattar baǵynyń baspasóz qyzmeti málim etkendei, Anasy Momyn Almaty zoobaǵynda 2010 jyly dúniege kelgen. Al ákesi Vasilii 2014 jyly Novosibirskiden ákelindi.
«2019 jyly Momyn men Vasiliidiń tóli Avstraliia dúniege keldi. Mine, birneshe jyldan keiin Avstraliianyń inisi ómirge keldi. Esimi ázirshe qoiylǵan joq. Zoobaq ujymy dástúr boiynsha óziniń Instagram-akkaýntynda oqyrmandarymen birge tańdaýdy josparlap otyr. Eske sala keteiik, budan buryn almatylyqtar 8 naýryzda týǵan túiege Meiram degen at qoidy. Al 1 qańtarda týǵan aiýlardyń esimderi Kenai men Kod, Disnei mýltfilmindegi keiipkerlerdiń esimderin tańdaǵan bolatyn», - dep habarlady zoobaqtan.
Avstraliia anasyna tartqan. Onyń terisinde daqtar bar. Al jańa týǵan iagýar ákesine uqsaǵan qara tústi.
«Haiýanattar baǵynyń qyzmetkerleri janýarlarǵa jaily jaǵdai jasaidy: qorshaý — bul bóreneler, tastar, oiynshyqtar, muqiiat tamaqtaný, veterinarlyq kútim jáne kiperlerden súiispenshilik pen qamqorlyqtyń mindetti kórinisteri», - deidi veterinar dáriger Iýliia Dýdkina.
Onyń aitýynsha, kún saiyn iagýarlar 3 keli et jeidi, biraq qazir Momynyń tamaǵy kóbeidi. Oǵan 4,5 keli et beriledi.
