Almaty zoobaǵynda tótenshe oqiǵa boldy - shimpanze tordan shyǵyp, áieldi iterip jiberdi, - dep habarlaidy Tengrinews.kz tilshisi zoobaq baspasóz qyzmetine silteme jasap.
"Primattar" bólimindegi Pasha esimdi shimpanze qysqy qorshaýdan jazǵy qorshaýǵa aýystyrylatyn kezde, arnaiy temir tordy buzyp, volerden syrtqa shyǵyp ketkeni aitylady.
"Óz aýmaǵynan shyǵyp ketkendikten, stress jaǵdaiyna ushyraǵan shimpanze júgirip kele jatyp áiel men kishkentai bala otyrǵan qolarbany iterip jibergen. Bala jaraqat alǵan. Zoobaq feldsheri alǵashqy meditsinalyq kómek kórsetti. Artynan jedel járdem shaqyryldy. Qazir balanyń densaýlyǵyna qaýip tónip turǵan joq", - delingen habarlamada.
