Foto: Almaty zoobaǵy
Almaty zoobaǵynda amýr jolbarystary Bentli men Aikidiń jubynan eki erkek kúshik týdy. Bul – sońǵy jyldardaǵy alǵashqy tól jáne Qyzyl kitapqa engizilgen sirek túrdi saqtaý jolyndaǵy mańyzdy qadam, dep habarlaidy Ult.kz.
Amýr jolbarysy – jalǵyz júretin jyrtqysh. Sondyqtan jup qurýy men tóldeýi erekshe kútimdi qajet etedi. Zoobaq mamandary serigin muqiiat tańdap, volerdi daiyndap, janýarlarǵa barynsha qaýipsiz jaǵdai jasady.
Jolbarys kúshikteri 14 maýsymda dúniege kelip, alǵashqy ailaryn tynysh aimaqta ótkizdi. Onda dybys pen kózge túsetin áserler azaitylǵan. Bul analyqtyń kúizelisin tómendetip, tólderdiń durys jetilýine yqpal etedi.
Aldaǵy demalys kúnderi anasy kúshikterimen birge ashyq volerge kóshirilip, kelýshiler zoobaqtyń jańa turǵyndaryn tamashalai alady.
