© Sputnik / Timýr Batyrshin
Almaty jer qatynastary basqarmasynyń eks-basshysy "para aldy" degen kúdikke qaldy, dep habarlaidy "Ult aqparat" Antikor baspasóz qyzmetine silteme jasap.
"Sybailas jemqorlyqqa qarsy qyzmet jasyryn is-sharalar men jemqorlyq táýekelderin syrtqy taldaý nátijeleri boiynsha Almaty qalasy jer qatynastary basqarmasynyń burynǵy basshysyn áshkereledi.
Ol investitsiialyq jobalardy iske asyrý syltaýymen jeke tulǵalarǵa memlekettik jer qorynan jer ýchaskelerin tómen baǵamen zańsyz iemdenýge járdemdesti degen kúdikke ilindi.
Sheneýniktiń áreketi nátijesinde memleketke jer ýchaskeleriniń quny túrinde jalpy somasy 180 000 000 teńgege zalal keltirildi" - delingen habarlamada.
Kúdikti sot sanktsiiasymen qamaýǵa alyndy. Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes tergeý múddesi úshin ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
