«Almaty jastary 3.0» baǵdarlamasy boiynsha jyl basynan beri tólem qabilettiligin rastaý úshin 1035 adam joldama aldy. Qalada tirkeý talaby joiylǵannan keiin taǵy 526 adamǵa joldama berildi. Bul týraly Baqytjan Saǵyntaev Twitter akkaýntynda jazdy, dep habarlaidy "Ult aqparat".
«Almaty jastary 3.0» baǵdarlamasy boiynsha jyl basynan beri tólem qabilettiligin rastaý úshin 1035 adam joldama aldy. Qalada tirkeý talaby joiylǵannan keiin taǵy 526 adamǵa joldama berildi. Taǵy 457-si rezervke endi. Jumys isteitin jastarǵa 5 paiyzdyq nesieniń berilýi — baspanaly bolýdyń eń tiimdi múmkindigi», - dep atap ótken qala ákimi.
Baǵdarlamanyń birinshi kezeńinde 3220 ótinim túsken. Olardyń ishinen komissiia 1035 adamnyń ótinimin maquldady.
Budan keiin qala ákimdigi baiqaýdyń sharttaryn ózgertken bolatyn. Atap aitqanda, qalada tirkelý sharty alynyp tastaldy. Odan keiin qaladaǵy jumys isteitin jastarǵa 5471 ótinim berildi.
Nátijesinde 2527 ótinim qaitarylyp, bilim salasynyń qyzmetkerlerinen 1964 ótinish qaralyp jatyr.
Baǵdarlama talaptaryna sai keletin 980 úmitkerden 587 adam – densaýlyq saqtaý salasynda, mádeniet salasynda – 1212, sport salasynda – 23, ǵylym salasynda, JOO-larda – 170, BAQ salasynda – 56, áleýmettik salada 32 adam jumys isteitini belgili boldy.
Qabyldanbaǵan ótinishterdiń basym bóligi jumys oryndary nemese qyzmetteriniń baǵdarlama talaptaryna sai kelmeýi saldarynan keri qaitaryldy. Iaǵni, 36 ótinish berýshiniń jeke baspanasy bar ekeni, 46 adamnyń óz baspanasynan bas tartqany anyqtaldy, 152 adamda zeinetkerlik tólem bolmaǵan, 77 adamnyń ótinishteri joǵaryda atalǵan sebepterge qatysty keri qaitarylǵan, al 23 adam alǵashqy qabyldaý kezindegi nesielik ótinishterin usynǵan.
Eske salsaq, qala ákimi Baqytjan Saǵyntaevtyń sheshimi boiynsha baǵdarlamaǵa qatysýshy men onyń otbasy músheleriniń Almatyda turaqty tirkeýde bolýy talaby alynyp tastalǵan edi. Osyǵan orai, biyl 22 maýsym - 6 shilde aralyǵynda ótinishterdi qabyldaý qaita júrgizilgen bolatyn.
Ótinishter men qujattardy qabyldaý elektrondyq qoltańba arqyly www.almaty-zhastary.kz saitynda iske asady. Jinaqtalǵan baldardy avtomatty túrde esepteý úshin elektrondy kalkýliator engizilgen. Budan ózge, saittaǵy jeke kabinet arqyly berilgen ótinishtiń deńgeiin jeke kórýge de bolady. Turǵyn zaemdarynyń ashyq ári adal bólinýin qamtamasyz etý úshin baǵdarlamaǵa qatysýshylardyń tolyq tizimi saitta jariialanǵan.
13 millionǵa deiingi jeńildetilgen ipotekalyq nesie jyldyq 5% mólsherlememen «Turǵynúiqurylysjinaq banki» AQ arqyly beriledi. Tólem qabiletin oidaǵydai rastaǵan qatysýshylar 60 kún ishinde birinshi jáne ekinshi naryqta turǵyn úidi jeke ózderi tańdai alady.
