Almaty jalpy qalalyq dizain kodqa aýysatyn boldy. Jańa kontseptsiia týraly ákimdikte ótken baspasóz máslihaty barysynda aityldy, dep habarlaidy "Ult aqparat".
«Dizain-kod jasaldy. Negizinen jańa kontseptsiia Almatydaǵy ár ǵimaratty saqtaýǵa, uqypty ustaýǵa jasalǵan. Tujyrymdamaǵa negiz retinde kanadalyq qala qurylysyn retteý júiesi alyndy. Eger úidiń qasbetin ózgertý kerek bolsa, belgili bir talapqa sai ózgertetin bolady. Álbette, adamdardyń bári ǵimaratty ustap otyrýǵa aqsha tóleitini ras. Olarǵa baryp terezeńdi, qasbetińdi aýystyr dep eshkim májbúrlemeitin bolady», - dedi Almatydaǵy qala josparlaý jáne ýrbanistika basqarmasynyń basshysy Almashan Ahmedjanov.
Onyń aitýynsha, baspana ielerine tańdaý beriledi.
«Eger adam sary úidiń balkonyn kókke boiaǵysy kelse, oǵan dizain kodtaǵy talapty kórsetemiz. Turǵyndar ózin-ózi baqylaityn júie bolady. Ǵimarattardy ustap turý men paidalaný salasynda birqatar bizneste ósim bolady dep senemiz», - dedi A.Ahmedjanov.
