Búgin brifing barysynda QR Densaýlyq saqtaý vitse-ministri Qamaljan Nadyrov megapolistegi zerthanalar jumysynyń nátijeligin atap ótti, dep habarlaidy QazAqparat.
Eldegi tótenshe jaǵdaiǵa bailanysty Densaýlyq saqtaý ministri E. Birtanovtyń tapsyrmasy boiynsha búkil el aýmaǵynda monitoringtik toptar jumys isteidi.
Monitoringtiń maqsaty – memlekettik bas sanitarlyq dárigeri tapsyrmalarynyń meditsinalyq uiymdarda oryndalýyn baǵalaý jáne baqylaý. Atap aitqanda, COVID-19 qarsy kúres boiynsha aldyn alý sharalaryn saqtaýda qala ishindegi naýqastar legin bólý algoritmi; meditsinalyq uiym ishinde naýqastar legin bólý algoritmi; jeke qorǵaný quraldaryn paidalaný jáne ony joiý erejesi, sondai-aq mańyzdy sharalardyń mindetti túrde oryndalýyn saqtaý.
«Búgingi tańda el aýmaǵynda 5-6 myńǵa jýyq test júrgiziledi. Osy oraida Almaty qalasyndaǵy zerthanalyq qyzmettiń jumysyn erekshe atap ótkim keledi. Qazirgi tańda olardyń qyzmetin úlgi tutarlyq desek bolady. Almatyda myńǵa jýyq testter júrgiziledi. Bul – zerthananyń jumysyna jáne osy sharaǵa qatysatyn meditsina qyzmetkerlerine aýyr júkteme», — dedi Q. Nadyrov.
