بٷگٸن بريفينگ بارىسىندا قر دەنساۋلىق ساقتاۋ ۆيتسە-مينيسترٸ قامالجان نادىروۆ مەگاپوليستەگٸ زەرتحانالار جۇمىسىنىڭ نەتيجەلٸگٸن اتاپ ٶتتٸ, دەپ حابارلايدى قازاقپارات.
ەلدەگٸ تٶتەنشە جاعدايعا بايلانىستى دەنساۋلىق ساقتاۋ مينيسترٸ ە. بٸرتانوۆتىڭ تاپسىرماسى بويىنشا بٷكٸل ەل اۋماعىندا مونيتورينگتٸك توپتار جۇمىس ٸستەيدٸ.
مونيتورينگتٸڭ ماقساتى – مەملەكەتتٸك باس سانيتارلىق دەرٸگەرٸ تاپسىرمالارىنىڭ مەديتسينالىق ۇيىمداردا ورىندالۋىن باعالاۋ جەنە باقىلاۋ. اتاپ ايتقاندا, COVID-19 قارسى كٷرەس بويىنشا الدىن الۋ شارالارىن ساقتاۋدا قالا ٸشٸندەگٸ ناۋقاستار لەگٸن بٶلۋ الگوريتمٸ; مەديتسينالىق ۇيىم ٸشٸندە ناۋقاستار لەگٸن بٶلۋ الگوريتمٸ; جەكە قورعانۋ قۇرالدارىن پايدالانۋ جەنە ونى جويۋ ەرەجەسٸ, سونداي-اق ماڭىزدى شارالاردىڭ مٸندەتتٸ تٷردە ورىندالۋىن ساقتاۋ.
«بٷگٸنگٸ تاڭدا ەل اۋماعىندا 5-6 مىڭعا جۋىق تەست جٷرگٸزٸلەدٸ. وسى ورايدا الماتى قالاسىنداعى زەرتحانالىق قىزمەتتٸڭ جۇمىسىن ەرەكشە اتاپ ٶتكٸم كەلەدٸ. قازٸرگٸ تاڭدا ولاردىڭ قىزمەتٸن ٷلگٸ تۇتارلىق دەسەك بولادى. الماتىدا مىڭعا جۋىق تەستتەر جٷرگٸزٸلەدٸ. بۇل – زەرتحانانىڭ جۇمىسىنا جەنە وسى شاراعا قاتىساتىن مەديتسينا قىزمەتكەرلەرٸنە اۋىر جٷكتەمە», — دەدٸ ق. نادىروۆ.
