Almaty haiýanattar baǵynyń eń tanymal turǵyndarynyń biri – Fidel esimdi kýbalyq qoltyraýyn 40 jyldyq mereitoiyn atap ótti, dep habarlaidy ult.kz.
1986 jyly dúniege kelgen Fidel Almaty zoobaǵyna 2001 jyly Rigadan ákelingen. Búginde uzyndyǵy 4 metrge jetetin alyp jyrtqysh haiýanattar baǵynyń basty simvoldarynyń birine ainalyp, kelýshilerdiń erekshe qyzyǵýshylyǵyna ie.
Mereitoi qurmetine zoobaq qyzmetkerleri Fidelge erekshe syi ázirledi. Bul joly tátti torttyń ornyna onyń eń súiikti asy – siyr etinen jasalǵan arnaiy «et torty» tartý etildi. Qoltyraýyn erekshe syidy tábetimen jep, merekelik kóńil kúi syilady.
Mamandardyń aitýynsha, Fideldiń densaýlyǵy jaqsy, tábeti de qalypty. Sondai-aq olar qoltyraýyndar úshin 40 jas aitarlyqtai kárilik emes ekenin atap ótti. Durys kútim men qolaily ortada bul jyrtqyshtar ondaǵan jyl ómir súrip, tipti 70–100 jasqa deiin jasai alady.
