Sýret: freepik
Ǵylym jáne joǵary bilim ministri Saiasat Nurbek Almatydaǵy joǵary oqý oryndaryndaǵy jaǵdaidy aityp, búgin sabaq nege toqtatylmady degen suraqqa jaýap berdi, - dep habarlaidy Tengrinews.kz saity.
Úkimet otyrysynda ministr stýdentterdiń barlyǵy der kezinde evakýatsiialanǵanyn aitty.
"Ýniversitetterde semestr endi ǵana bastalyp jatyr, 20 qańtarǵa deiin demalys boldy. Qazir alǵashqy kirispe sabaqtar júrip jatyr, sondyqtan úlken qarqyn joq. Biz oqý protsesin buzǵan joqpyz, stýdentter óz qalaýy boiynsha onlain rejiminde oqi alady. Biraq úlken qarqyndylyq joq, sondyqtan oqý úderisin buzbaýǵa sheshim qabyldadyq", - dep túsindirdi Saiasat Nurbek.
Sheneýniktiń aitýynsha, stýdentterdiń eshqaisy zardap shekken joq.
"Biz birden áreket ettik, bári uiymdasqan túrde ótti. Men rektorlar men prorektorlarǵa, stýdenttik uiymdardyń basshylaryna alǵysymdy bildirgim keledi. Qurbandar men zardap shekkender joq. Ál-Farabi atyndaǵy ýniversitettiń № 6 jáne 8 jataqhanalarynda qurbandar men qiraý bolǵandyǵy týraly jalǵan aqparat boldy. Bul aqparat shyndyqqa janaspaidy. Biz óz ókilderimizdi sol jerge jiberdik, kóz jetkizdik", - dedi ministr.
