Almaty qalalyq TJD gaz analizatory joq úilerge gaz qondyrǵylaryn paidalanýǵa tyiym salýdy usynady, dep habarlaidy "Ult aqparat".
«Aita ketý kerek, Almaty qalasynyń tótenshe jaǵdailar departamenti gaz qondyrǵylarynyń qaýipsiz jumysyna baqylaý jumystaryn júrgizbeidi. Bul baqylaýdy QR «Gaz jáne gazben jabdyqtaý týraly» Zańynyń 7-babyna sáikes, Almaty qalasynyń Turǵyn úi saiasaty departamentiniń baqylaý bólimi júzege asyrady. Olar «QazTransGaz-Aimaq» kompaniiasymen birlesip jumys isteidi», - dedi Almaty qalalyq TJD bastyǵynyń orynbasary Arman Baigelov.
Arman Baigelovtyń aitýynsha, gaz analizatory tabiǵi gazben ýlanýdyń aldyn alady. Ol gaz shyqqan kezde jelige gaz berýdi toqtatyp, qosymsha jeldetýdi iske qosady.
«Óz kezeginde, tabiǵi gazben ýlaný jaǵdailarynyń aldyn alý úshin Almaty qalasynyń tótenshe jaǵdailar departamenti «QazTransGaz Aimaq» AQ-ǵa turǵyn úilerge gaz qondyrǵylaryn gaz analizatorynsyz paidalanýǵa berýge tyiym salýdy usyndy. Bul tabiǵi gazben ýlaný qaýpin azaitady, óitkeni «QazTransGaz Aimaq» AQ-nyń negizgi mindetteri taýarlyq gazdy jetkizýdi uiymdastyrý, ony tasymaldaý, gazdy kedergisiz jáne úzilissiz qamtamasyz etý bolyp tabylady», - dep atap ótti spiker.
