QR Táýelsizdik kúni qarsańynda Túrkistan oblysynda "Almaty-Túrkistan" baǵytynda qatynaityn týristik poiyz ashylyp, óz jumysyn bastady, dep habarlaidy "Ult aqparat".
Qos shahardyń arasynda ár aptanyń juma-jeksenbi aralyǵynda júrgiziletin saiahattyq baǵyt týrister úshin óte qolaily bolmaq. Iaǵni, kelýshi qonaqtardyń eki kúnniń ishinde qonaq úige toqtamai oblystyń kórikti jerlerin tolyqtai aralai alýǵa múmkindigi bolady. Bul degeni jatyn oryn, dýsh syndy qajettiliktermen qamtamasyz etilgen vagondarda týrister satyp alynǵan týristik paket esebinen poiyz meiramhanasynda tamaqtana alady. Bir baǵyttaǵy poiyz ishine 22 saiahatshyǵa deiin syiady.
Týristik baǵyttyń saltanatty ashylý rásimine oblys ákiminiń orynbasary Erbol Tasjúrekov, «Týran-Ekspress» kompaniiasynyń basshylyǵy men týrizm salasynyń mamandary jáne BAQ ókilderi qatysty.
E.Tasjúrekov óńirimizde alǵash ret qolǵa alynyp, jumysyn bastaǵan týristik baǵyttyń Túrkistanǵa keletin týrister sanyn odan ári kóbeitip, salany damytýǵa tigizetin septiginiń mol ekenin jetkizdi.
Tusaýy saltanatty jaǵdaida kesilgen poiyz baǵyty aiasynda kelgen qonaqtarǵa aqparattyq týr uiymdastyryldy. Meimandar aldymen, Otyrar, Saýran qalashyqtarynda bolyp, odan soń, "Áziret-Sultan" memlekettik tarihi-mádeni qoryq murajaiynyń nysandaryn kórip, tanysty.
Eske sala ketsek, elimizdegi «Týran-Ekspress» JShS kóliktik kompaniiasy men oblystyq jolaýshylar kóligi jáne avtomobil joldary basqarmasy, sondai-aq oblystyq týrizm jáne syrtqy bailanystar jáne oblystyq ishki saiasat basqarmalary arasynda Túrkistan oblysynda ishki týrizmdi damytý maqsatynda ózara yntymaqtastyq týraly memorandým túzilgen bolatyn.
