Almaty oblysynda «Qyzyl kitapqa» engen qustardy atqan qala turǵyny ustaldy, dep habarlaidy "Ult aqpaart" QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetine silteme jasap.
«20 qyrkúiek kúni saǵat shamamen 13:20-da Almaty oblysy Ile aýdany aýmaǵyndaǵy «Kúrti» ańshylyq sharýashylyǵy mańynda «Ohotzooprom ÓB» RMQK inspektorlary «Toyota Land Cruiser» markaly avtokóligin toqtatqan. Kólik júrgizýshisi – Almaty qalasynyń turǵyny. Sonymen qatar kólikten 2 qarabaýyr buldyryq qusy men MR-153 qarýy tabyldy», - dep habarlady komitettiń baspasóz qyzmetinen.
Oqiǵa ornyna Ile aýdandyq politsiia qyzmetkerleri shaqyrylǵan. Qazirgi ýaqytta materialdar qylmystyq is qozǵaýǵa jiberildi.
Qarabaýyr Buldyryqtar sany jyldan-jylǵa azaiyp keledi. Qazir olar qorǵaýǵa alynyp, Qazaqstannyń «Qyzyl kitabyna» engizilgen.
