Almatyda Sulpak saýda úiiniń janyndaǵy jaiqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi, dep habarlaidy "Ult aqparat".
«Sulpak jáne Small túngi 4.00-te 10 emen aǵashyn zańsyz kesip tastady. Endi olar bul isti jymyn bildirmei jaýyp tastaǵysy kelip jatyr. Bul oqiǵa 22 qarashada bolǵan», - dedi Instagram-daǵy jazbada. Bul oqiǵaǵa bailanysty ákimdik túsinik berdi.
Olardyń aitýynsha, Tólebi kóshesindegi 187-úide ornalasqan ǵimarattyń janyndaǵy taldardy kesýge ruqsat berilmegen.
«Qazir aýdan ákimdigi men PD kesilgen aǵashtardyń tuqymy men sapasyn anyqtaý úshin oqiǵa ornynda jumys istep jatyr. Aiypty tulǵalar anyqtalǵan soń PD olardy jaýapkershilikke tartady. Tolyǵyraq aqparatty zertteý jumystary aiaqtalǵan soń jariialaimyz», - dedi ákimdikten.
