Foto: instagram.com/volontery_almaty_lider.kz
Almaty taýlarynda joǵalyp ketken jigit qaza tapty, - dep habarlaidy Lider.kz eriktileri.
"Qaza bolǵan. Tabyldy. Marqumnyń týystary men jaqyndaryna qaiǵyryp kóńil aitamyz", – delingen eriktiler jariialaǵan habarlamada.
Almaty Politsiia departamentiniń baspasóz qyzmeti joǵalǵan jasóspirimniń máiiti tabylǵanyn rastady.
"Denesinen zorlyq-zombylyq belgileri tabylmady. Sot-meditsinalyq saraptama taǵaiyndaldy. Oqiǵanyń mán-jaiy anyqtalyp jatyr", – dep habarlady PD baspasóz qyzmeti.
Eske salaiyq, 18 jastaǵy Aqylbek Nurislam 2 shildede joǵalyp ketken bolatyn. Týystarynyń aitýynsha, ol taýǵa ketken. Sońǵy ret onyń telefony Úlken Almaty shatqaly mańynda tirkelgen. Izdeýge 40-tan astam adam – Almaty qalalyq qutqarý qyzmetiniń (109), respýblikalyq jedel-qutqarý jasaǵynyń, TJD, shekara qyzmetiniń, politsiia men eriktilerdiń qyzmetkerleri jumyldyryldy. Sondai-aq, izdeý jumystaryna aviatsiia, kinologtar men drondar tartyldy.
