Almatynyń taýlarynda úsh jasóspirim baǵytynan adasyp, ózdiginen tómen túse almai qalǵan. Qutqarýshylardyń kómegimen olar qaýipsiz jerge evakýatsiialandy, dep habarlaidy ult.kz.
Oqiǵa Bostandyq aýdanyndaǵy Aiýsai shatqalynda bolǵan. Úsh jasóspirim Úlken Almaty shyńynan túsip kele jatyp, baǵytynan adasyp qalǵan.
Jasóspirimdermen bailanys saqtalyp, olardyń geolokatsiiasy anyqtalǵan. Izdestirý-qutqarý jumystaryna QR TJM Respýblikalyq jedel-qutqarý jasaǵy «Barys» RMM qutqarýshylary jumyldyryldy.
Qutqarýshylar Kosmostantsiiadan kórsetilgen geolokatsiia baǵytyna jaiaý shyǵyp, jasóspirimderdi Aiýsai shatqalynan tapqan.
Olarǵa meditsinalyq kómek qajet bolmaǵan. Qutqarýshylar jasóspirimderdi taý baǵytymen Kosmostantsiiaǵa deiin alyp túsip, keiin qaýipsiz jerge jetkizdi.
Úsh jasóspirim aman-esen týystaryna tapsyryldy.
TJM taýly aimaqqa shyǵar aldynda marshrýttyń kúrdeliligin eskerip, óz múmkindikterin obektivti baǵalaýdy usynady. Sonymen qatar ózińizben birge qýaty tolyq uialy telefon men jetkilikti mólsherde sý alyp júrý, josparlanǵan marshrýt týraly jaqyndaryńyzǵa aldyn ala habarlaý qajet.
Tótenshe jaǵdai týyndaǵan kezde 112 nómirine habarlasyńyz.
