الماتىنىڭ تاۋلارىندا ٷش جاسٶسپٸرٸم باعىتىنان اداسىپ, ٶزدٸگٸنەن تٶمەن تٷسە الماي قالعان. قۇتقارۋشىلاردىڭ كٶمەگٸمەن ولار قاۋٸپسٸز جەرگە ەۆاكۋاتسييالاندى, دەپ حابارلايدى ult.kz.
وقيعا بوستاندىق اۋدانىنداعى ايۋساي شاتقالىندا بولعان. ٷش جاسٶسپٸرٸم ٷلكەن الماتى شىڭىنان تٷسٸپ كەلە جاتىپ, باعىتىنان اداسىپ قالعان.
جاسٶسپٸرٸمدەرمەن بايلانىس ساقتالىپ, ولاردىڭ گەولوكاتسيياسى انىقتالعان. ٸزدەستٸرۋ-قۇتقارۋ جۇمىستارىنا قر تجم رەسپۋبليكالىق جەدەل-قۇتقارۋ جاساعى «بارىس» رمم قۇتقارۋشىلارى جۇمىلدىرىلدى.
قۇتقارۋشىلار كوسموستانتسييادان كٶرسەتٸلگەن گەولوكاتسييا باعىتىنا جاياۋ شىعىپ, جاسٶسپٸرٸمدەردٸ ايۋساي شاتقالىنان تاپقان.
ولارعا مەديتسينالىق كٶمەك قاجەت بولماعان. قۇتقارۋشىلار جاسٶسپٸرٸمدەردٸ تاۋ باعىتىمەن كوسموستانتسيياعا دەيٸن الىپ تٷسٸپ, كەيٸن قاۋٸپسٸز جەرگە جەتكٸزدٸ.
ٷش جاسٶسپٸرٸم امان-ەسەن تۋىستارىنا تاپسىرىلدى.
تجم تاۋلى ايماققا شىعار الدىندا مارشرۋتتىڭ كٷردەلٸلٸگٸن ەسكەرٸپ, ٶز مٷمكٸندٸكتەرٸن وبەكتيۆتٸ باعالاۋدى ۇسىنادى. سونىمەن قاتار ٶزٸڭٸزبەن بٸرگە قۋاتى تولىق ۇيالى تەلەفون مەن جەتكٸلٸكتٸ مٶلشەردە سۋ الىپ جٷرۋ, جوسپارلانعان مارشرۋت تۋرالى جاقىندارىڭىزعا الدىن الا حابارلاۋ قاجەت.
تٶتەنشە جاعداي تۋىنداعان كەزدە 112 نٶمٸرٸنە حابارلاسىڭىز.
