Almaty oblysyndaǵy Levyi Talǵar shatqalynda joryq kezinde týristiń ústine tas qulap, ol aýyr jaraqat aldy. Zardap shekken azamatty qutqarýshylar shuǵyl evakýatsiialady, dep habarlaidy ult.kz.
Tótenshe jaǵdailar ministrliginiń málimetinshe, oqiǵa teńiz deńgeiinen 2 970 metr biiktikte bolǵan. Habarlama túsken boida eki baqylaý-qutqarý beketiniń qyzmetkerleri oqiǵa ornyna jedel jetken.
Qutqarýshylar týristi taýyp, alǵashqy meditsinalyq kómek kórsetti. Mamandar onyń jaǵdaiyn aýyr dep baǵalaǵan.
Kúrdeli taýly aimaqta zardap shegýshini Kishi Talǵar asýyna deiin zembilmen alyp shyqqan qutqarýshylarǵa keiin Almaty qalasy Alpinizm federatsiiasynyń eriktileri qosyldy. Birlesken evakýatsiia jumystary "Shymbulaq" taý kýrortyna deiin jalǵasty.
Odan ári týrist Apattar meditsinasy ortalyǵynyń brigadasyna tapsyrylyp, qalalyq klinikalyq aýrýhanaǵa jetkizildi.
