الماتى وبلىسىنداعى لەۆىي تالعار شاتقالىندا جورىق كەزٸندە تۋريستٸڭ ٷستٸنە تاس قۇلاپ, ول اۋىر جاراقات الدى. زارداپ شەككەن ازاماتتى قۇتقارۋشىلار شۇعىل ەۆاكۋاتسييالادى, دەپ حابارلايدى ult.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, وقيعا تەڭٸز دەڭگەيٸنەن 2 970 مەتر بيٸكتٸكتە بولعان. حابارلاما تٷسكەن بويدا ەكٸ باقىلاۋ-قۇتقارۋ بەكەتٸنٸڭ قىزمەتكەرلەرٸ وقيعا ورنىنا جەدەل جەتكەن.
قۇتقارۋشىلار تۋريستٸ تاۋىپ, العاشقى مەديتسينالىق كٶمەك كٶرسەتتٸ. ماماندار ونىڭ جاعدايىن اۋىر دەپ باعالاعان.
كٷردەلٸ تاۋلى ايماقتا زارداپ شەگۋشٸنٸ كٸشٸ تالعار اسۋىنا دەيٸن زەمبٸلمەن الىپ شىققان قۇتقارۋشىلارعا كەيٸن الماتى قالاسى الپينيزم فەدەراتسيياسىنىڭ ەرٸكتٸلەرٸ قوسىلدى. بٸرلەسكەن ەۆاكۋاتسييا جۇمىستارى "شىمبۇلاق" تاۋ كۋرورتىنا دەيٸن جالعاستى.
ودان ەرٸ تۋريست اپاتتار مەديتسيناسى ورتالىعىنىڭ بريگاداسىنا تاپسىرىلىپ, قالالىق كلينيكالىق اۋرۋحاناعا جەتكٸزٸلدٸ.
