Qutqarýshylar «Molodejnyi» shyńynda qar kóshkininiń astynda qalǵan eki adamdy izdestirip jatyr, dep habarlaidy QazAqparat.
Almaty qalalyq tótenshe jaǵdailar departamentiniń málimetinshe, búgin túski saǵat 13:28 shamasynda Almaty qalasynyń «109» qutqarý qyzmeti Medeý aýdany, Tuiyqsý joǵary taýly aimaǵynda «Molodejnyi» shyńynda qar kóshkini túskeni týraly aqparat aldy.
Aldyn ala aqparat boiynsha kóshkin astynda 2 adam qalyp qoiǵan.
Alǵashqy izdestirý jumystaryna 109-qutqarý qyzmetiniń qutqarýshylary jumyldyryldy.
«Qazirgi ýaqytta TJD basshylyǵy men Respýblikalyq jedel qutqarý jasaǵynan, Qazseldenqorǵaý, qutqarý qyzmetiniń mamandary oqiǵa ornynda jumys istep jatyr. Barlyǵy 26 adam, 6 tehnika, 2 kinologiialyq top jumyldyryldy», - dep habarlady vedomstvadan.
