Almaty taýlarynda qar kóshkininde qalǵan ekinshi adamnyń denesi tabyldy, - dep habarlaidy Tengrinews.kz.
Almaty TJD málimetinshe, joǵalǵan ekinshi adam qaitys bolǵan.
"It qar astyndaǵy ekinshi jábirlenýshiniń denesin tapty. Qaitys bolǵan adamnyń denesi qazir tikushaqpen túsiriledi", - dedi vedomostvo ókili.
Izdestirý úshin qutqarýshylar drondardy paidalanǵan. Qutqarý jumystaryna túrli jedel qyzmet uiymdarynan 31 adam jáne 8 tehnika, 2 kinologiia esebi, 1 tikushaq jumyldyrylǵan.
Buǵan deiin Almaty taýlarynda qar kóshkini bolyp, qutqarýshylar eki adamdy izdep jatqany habarlanǵan bolatyn.
Almaty qalalyq tótenshe jaǵdailar departamentiniń málimetinshe, qar kóshkiniń astynda qalǵan eki adam Frantsiia eliniń azamattary.
"6 adam taýǵa shyǵyp syrǵanaǵan. Bul kóshkinniń shyǵýyna sebep boldy. Olardyń beseýi Frantsiia azamaty bolsa, bireýi qazaqstandyq. Tórteýi aman. Qardyń astynda qalǵandardyń bireýi zardap shekti, ekinshisi ókinishke orai qaza tapty", - dedi qalalyq TJD-niń baspasóz qyzmetinen.
