Almatyda taksi júrgizýshilerine avtobýs jolaǵymen júrýge ruqsat berilmek. Qala ákimdigi jolaýshylar tasymalymen ainalysatyn atalmysh qyzmet túrin jetildirý máselesin qarastyryp jatyr, – dep habarlaidy qala ákidiginiń baspasóz qyzmeti.
«Sońǵy jyldary Almaty turǵyndary taksi tasymaly sapasynyń tómendep ketkenine jii shaǵymdanady: taksidiń quny qymbattap, chek berilmei, júrgizýshilerdiń dórekiligine bailanysty kóptegen daýlar týyndaýda.Taksi qyzmetiniń sapasyn arttyrý maqsatynda, sondai-aq ashyqtyq pen saladaǵy kóleńkeli aqsha ainalymymen kúresý úshin qala ákimdigi taksi naryǵyn uiymdastyrý máselesin qaita qarastyrýda. Soǵan bailanysty resmi tirkelgen taksoparkterdiń taksi kólikterine avtobýs jolaǵymen júrýge ruqsat berý josparlanýda. Odan kútiletin nátije – taksi qyzmetiniń sapasy kóterilip, taksoparkterdiń tabysy ashyq bolady» dep jazdy qala ákiminiń baspasóz hatshysy Áset Muqajanov Instagram-daǵy paraqshasynda.
