Almatydaǵy aqyly avtoturaqtardy qadaǵalaityn "Almaty SpetsTehParking Servis" JShS direktory Marat Pirinbekov qamaýǵa alyndy. Aqparatty Almaty sotynyń baspasóz qyzmeti rastady, - dep habarlaidy Tengrinews.kz.
"Tergeý sotynyń qaýlysy boiynsha sotaldy tergep-tekserý organynyń ótinishhaty qanaǵattandyryldy. Sot Pirinbekovke qatysty buryn tańdalǵan 2 ai merzimge, iaǵni 2022 jyldyń 15 maýsymyna deiin qamaýǵa alý túrindegi bultartpaý sharasyn sanktsiialady", - delingen habarlamada.
Buǵan deiin Almatyda A-parking aqyly avtoturaqtar operatory sanalatyn Alan Parking kompaniiasynyń direktory Muhtar Bazarbaev qamaýǵa alynǵany habarlanǵan bolatyn.
Keiin A-Parking jobasyna jaýapty tulǵalarǵa qatysty asa iri mólsherde biýdjet qarajatyn jymqyrdy degen kúdikpen sotaldy tergeý bastalǵany habarlandy.
