الماتىداعى اقىلى اۆتوتۇراقتاردى قاداعالايتىن "الماتى سپەتستەحپاركينگ سەرۆيس" جشس ديرەكتورى مارات پٸرٸنبەكوۆ قاماۋعا الىندى. اقپاراتتى الماتى سوتىنىڭ باسپاسٶز قىزمەتٸ راستادى, - دەپ حابارلايدى Tengrinews.kz.
"تەرگەۋ سوتىنىڭ قاۋلىسى بويىنشا سوتالدى تەرگەپ-تەكسەرۋ ورگانىنىڭ ٶتٸنٸشحاتى قاناعاتتاندىرىلدى. سوت پٸرٸنبەكوۆكە قاتىستى بۇرىن تاڭدالعان 2 اي مەرزٸمگە, ياعني 2022 جىلدىڭ 15 ماۋسىمىنا دەيٸن قاماۋعا الۋ تٷرٸندەگٸ بۇلتارتپاۋ شاراسىن سانكتسييالادى", - دەلٸنگەن حابارلامادا.
بۇعان دەيٸن الماتىدا A-parking اقىلى اۆتوتۇراقتار وپەراتورى سانالاتىن Alan Parking كومپانيياسىنىڭ ديرەكتورى مۇحتار بازارباەۆ قاماۋعا الىنعانى حابارلانعان بولاتىن.
كەيٸن A-Parking جوباسىنا جاۋاپتى تۇلعالارعا قاتىستى اسا ٸرٸ مٶلشەردە بيۋدجەت قاراجاتىن جىمقىردى دەگەن كٷدٸكپەن سوتالدى تەرگەۋ باستالعانى حابارلاندى.
