Almatyda túngi jarys uiymdastyratyn jerlerge arnaiy kamera ornatylady. Bul týraly qalalyq Politsiia departamentiniń basshysy Qanat Taimerdenov aitty, dep habarlaidy "Ult aqparat".
Qalada maqsatty túrde jergilikti reid jumystary jalǵasyp jatyr.
Sońǵy úsh kúnde arnaiy batalon qyzmetkerleri jol erejesin buzǵan 115 mototsikl júrgizýshisin ákimshilik jaýapqa tartty. 19 mototsikl arnaiy aiyp turaǵyna qoiyldy.
«Odan bólek kólikti zańsyz jabdyqtaýǵa bailanysty, daýsyn zoraitatyn qural qoiǵan júrgizýshilerge qatysty shara qoldanylady. Olar jinalatyn jerlerge videokamera ornatylady», - dedi Qanat Taimerdenov.
Aita ketý kerek, buǵan deiin Almatyda eki bloger kólik jarystyrǵany úshin jaýapqa tartylǵanyn jazǵan bolatynbyz.
Olardyń bireýi ustalyp, túsinik berse, ekinshisi áli qashyp júr.
