Foto ©️ Tengrinews.kz / Alihan Sariev
Almaty qalasynyń politsiiasy kúsheitilgen qyzmet atqarý rejimine kóshirildi, - dep málimdedi qalalyq politsiia departamenti.
Kúsheitý sharalary qala mektepterinde sońǵy qońyraý merekesiniń ótýimen bailanysty.
"Qaladaǵy 216 jalpy bilim beretin mekteptiń qoǵamdyq tártibi men qaýipsizdigin qamtamasyz etý úshin shamamen myńǵa jýyq politsiia qyzmetkeri jumyldyryldy. Oqýshylardyń qaýipsizdigi – bizdiń basty basymdyǵymyz. Qoǵamdyq tártipti saqtaý jáne quqyqbuzýshylyqtardyń aldyn alý maqsatynda iývenaldyq, patrýldik, kriminaldyq politsiia qyzmetkerleri men ýchaskelik inspektorlardan quralǵan myńǵa jýyq politsiia qyzmetkeri jumysqa tartyldy", – delingen departament habarlamasynda.
Balalardyń jeke qaýipsizdigimen qatar, mektep mańynda jáne túlekterdiń júretin baǵyttarynda jol júrý erejeleriniń saqtalýyna erekshe nazar aýdarylýda.
Departament ata-analardy jáne merekege qatysýshylardyń barlyǵyn saqtyq sharalaryn saqtaýǵa, erejelerdi buzbaýǵa jáne balalardy qaýipke ushyratpaýǵa shaqyrdy.
Qalanyń basty alańdarynda, saiabaqtarda, skverlerde jáne halyq kóp jinalatyn demalys oryndarynda politsiianyń qosymsha keshendi jasaqtary kezekshilik etedi.
