Foto: Polisia.kz
Almaty politsiiasy arnaiy zerthanadan 100 keli sintetikalyq esirtkini tárkiledi, - dep habarlaidy "Ult aqparat" Polisia.kz basylymyna silteme jasap.
Óndiris Almatynyń Alataý aýdanyndaǵy jeke úilerdiń birinde ornalasqan. Onda 32 jastaǵy er adam jumys istegen. Ol - "himik", oraýysh jáne kóterme saýdamen ainalysatyn adamnyń qyzmetterin atqarǵan.
"Jedel ádispen alynǵan aqparat muqiiat tekserildi jáne rastaldy. Birneshe ai boiy "óndirýshi" zerthana jumysyn rettep, onda sintetikalyq mefedron preparatyn jasady. Belgili bolǵandai, B. esimdi azamat jumys berýshiniń jelidegi onlain nusqaýlaryn oryndady. Kýrator oǵan qajetti shikizattyń jetkizilýin qamtamasyz ete otyryp, zerthanalyq jumystardy úiretti. Himik-esirtki satýshy qosalqy bólmesi bar jeke úidi jalǵa aldy: esirtki zerthanasyn qoraǵa ornalastyrdy, bas ǵimaratta ózi turdy. Kúdikti qylmystyq usynysqa jomart eńbekaqynyń arqasynda qyzyǵýshylyq tanytqanyn aitady", - dedi Almaty qalalyq Politsiia departamenti bastyǵynyń orynbasary Didar Ahanov.
Esirtki satýshy arnaiy is-shara barysynda ustalǵan. Esirtki zerthanasy joiyldy. Tintý kezinde ol jerden prekýrsorlar, shikizat, satýǵa daiyn sintetikalyq esirtki jáne shyny ydystar túrindegi inventar, suiyqtyqtary bar polietilen kanistrler, probirkalar, bótelkeler, tarazylar men elektr peshteri tabylǵan.
"Tárkilengen shikizattyń jalpy salmaǵy 100 keli. Kúdikti ýaqytsha ustaý izoliatoryna qamaldy. Atalǵan derek QR QK-niń 297-baby 3-bóliginde kózdelgen qylmys belgileri boiynsha sotqa deiingi tergeýdiń biryńǵai tizilimine tirkeldi.
Eske salaiyq, buǵan deiin EQQKB qyzmetkerleri qylmystyq biznestiń sybailastarynyń biri 33 jastaǵy S. esimdi azamatty ustaǵan bolatyn. Onyń kóliginen 85 býma mefedron jáne marihýana tabylyp, tárkilendi. Anyqtalǵandai, sintetikalyq esirtkini kúdiktiniń ózi jasaidy. Osy maqsatta ol Almaty oblysy Tuzdybastaý aýylynda jeke turǵyn úidi jalǵa alǵan. Ruqsat etilgen tintý kezinde jalǵa alynǵan turǵyn úiden zerthanalyq qural-jabdyqtar men 15 keliden astam sintetikalyq esirtki tabyldy jáne tárkilendi", - dedi Ahanov.
Sondai-aq spiker qazirgi ýaqytta qylmystyq salanyń basqa da bailanystaryn ornatýǵa baǵyttalǵan jedel is-sharalar júrgizilip jatqanyn aityp ótti.
