فوتو: Polisia.kz
الماتى پوليتسيياسى ارنايى زەرتحانادان 100 كەلٸ سينتەتيكالىق ەسٸرتكٸنٸ تەركٸلەدٸ, - دەپ حابارلايدى "ۇلت اقپارات" Polisia.kz باسىلىمىنا سٸلتەمە جاساپ.
ٶندٸرٸس الماتىنىڭ الاتاۋ اۋدانىنداعى جەكە ٷيلەردٸڭ بٸرٸندە ورنالاسقان. وندا 32 جاستاعى ەر ادام جۇمىس ٸستەگەن. ول - "حيميك", وراۋىش جەنە كٶتەرمە ساۋدامەن اينالىساتىن ادامنىڭ قىزمەتتەرٸن اتقارعان.
"جەدەل ەدٸسپەن الىنعان اقپارات مۇقييات تەكسەرٸلدٸ جەنە راستالدى. بٸرنەشە اي بويى "ٶندٸرۋشٸ" زەرتحانا جۇمىسىن رەتتەپ, وندا سينتەتيكالىق مەفەدرون پرەپاراتىن جاسادى. بەلگٸلٸ بولعانداي, ب. ەسٸمدٸ ازامات جۇمىس بەرۋشٸنٸڭ جەلٸدەگٸ ونلاين نۇسقاۋلارىن ورىندادى. كۋراتور وعان قاجەتتٸ شيكٸزاتتىڭ جەتكٸزٸلۋٸن قامتاماسىز ەتە وتىرىپ, زەرتحانالىق جۇمىستاردى ٷيرەتتٸ. حيميك-ەسٸرتكٸ ساتۋشى قوسالقى بٶلمەسٸ بار جەكە ٷيدٸ جالعا الدى: ەسٸرتكٸ زەرتحاناسىن قوراعا ورنالاستىردى, باس عيماراتتا ٶزٸ تۇردى. كٷدٸكتٸ قىلمىستىق ۇسىنىسقا جومارت ەڭبەكاقىنىڭ ارقاسىندا قىزىعۋشىلىق تانىتقانىن ايتادى", - دەدٸ الماتى قالالىق پوليتسييا دەپارتامەنتٸ باستىعىنىڭ ورىنباسارى ديدار احانوۆ.
ەسٸرتكٸ ساتۋشى ارنايى ٸس-شارا بارىسىندا ۇستالعان. ەسٸرتكٸ زەرتحاناسى جويىلدى. تٸنتۋ كەزٸندە ول جەردەن پرەكۋرسورلار, شيكٸزات, ساتۋعا دايىن سينتەتيكالىق ەسٸرتكٸ جەنە شىنى ىدىستار تٷرٸندەگٸ ينۆەنتار, سۇيىقتىقتارى بار پوليەتيلەن كانيسترلەر, پروبيركالار, بٶتەلكەلەر, تارازىلار مەن ەلەكتر پەشتەرٸ تابىلعان.
"تەركٸلەنگەن شيكٸزاتتىڭ جالپى سالماعى 100 كەلٸ. كٷدٸكتٸ ۋاقىتشا ۇستاۋ يزولياتورىنا قامالدى. اتالعان دەرەك قر قك-نٸڭ 297-بابى 3-بٶلٸگٸندە كٶزدەلگەن قىلمىس بەلگٸلەرٸ بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلدٸ.
ەسكە سالايىق, بۇعان دەيٸن ەققكب قىزمەتكەرلەرٸ قىلمىستىق بيزنەستٸڭ سىبايلاستارىنىڭ بٸرٸ 33 جاستاعى س. ەسٸمدٸ ازاماتتى ۇستاعان بولاتىن. ونىڭ كٶلٸگٸنەن 85 بۋما مەفەدرون جەنە ماريحۋانا تابىلىپ, تەركٸلەندٸ. انىقتالعانداي, سينتەتيكالىق ەسٸرتكٸنٸ كٷدٸكتٸنٸڭ ٶزٸ جاسايدى. وسى ماقساتتا ول الماتى وبلىسى تۇزدىباستاۋ اۋىلىندا جەكە تۇرعىن ٷيدٸ جالعا العان. رۇقسات ەتٸلگەن تٸنتۋ كەزٸندە جالعا الىنعان تۇرعىن ٷيدەن زەرتحانالىق قۇرال-جابدىقتار مەن 15 كەلٸدەن استام سينتەتيكالىق ەسٸرتكٸ تابىلدى جەنە تەركٸلەندٸ", - دەدٸ احانوۆ.
سونداي-اق سپيكەر قازٸرگٸ ۋاقىتتا قىلمىستىق سالانىڭ باسقا دا بايلانىستارىن ورناتۋعا باعىتتالعان جەدەل ٸس-شارالار جٷرگٸزٸلٸپ جاتقانىن ايتىپ ٶتتٸ.
