Almaty politseileri taǵy bir jezóksheler úiin anyqtady, - dep habarlaidy "Ult aqparat" Polisia.kz portalyna silteme jasap.
Mekeme saýnasy jáne 11 oqshaýlanǵan bólmesi bar úsh qabatty záýlim úide ornalasqan.
"Túngi saǵat on birde "jumys ornynda" eki ákimshi men jeńil júristi bes qyz boldy. Syrttan kelgender úshin bul - saýyqtyrý massajyn jasaityn oryn, al biletinder úshin jezókshelikpen ainalysatyn jezóksheler úii. Sol túni bizdiń bólimsheniń qyzmetkerleri iri TÚ kesheniniń birinde taǵy eki jezóksheler úiin anyqtady. Eki páterde 12 áiel erotikalyq qyzmet kórsetti, al olardyń qyzmetin ákimshi baqylap otyrdy. Aita keteiik, bul páterler qala turǵynynyń dabyly boiynsha anyqtaldy. Tipti, olardyń birinde feis-kontroldan ótkizetin oqqaǵary da boldy", - deidi Almaty qalalyq PD Uiymdasqan qylmysqa qarsy kúres basqarmasynyń bastyǵy Janat Nurǵaliev.
Úsh derek boiynsha jezókshelikpen ainalysýǵa turǵyn úidi bergen úi-jaidyń ieleri anyqtalyp, jaýapqa tartyldy. Úsh jezóksheler úiiniń qyzmetkerleri men klientteri jeke basyn tekserý jáne shara qoldaný úshin politsiiaǵa jetkizildi.
