Almaty politsiiasy turǵyndar arasynda karantin talaptaryn túsindirý jumystaryn kúsheitti, dep habarlaidy "Ult aqparat".
Almaty qalasynyń politsiia qyzmetkerleri monitoring toptyń quramyna kirgen. Tártip saqshylary turyǵyndar arasynda karantindik sharalardyń mańyzdylyǵyn túsindirip jatyr.
«Birinshiden, biz betperde rejimin saqtaý týraly aitamyz, ol búginde azamattardy qorǵaýdyń eń negizgi ádisteriniń biri.Tájiribe kórsetkendei, keibireýler karantin talaptaryn saqtaýdy múldem toqtatqan: olar meditsinalyq betperdelerdi sheship, qonaqqa baryp júr, qoldaryn jáne úilerin antiseptikpen tazalaýdy umytqan. Al bul koronavirýs infektsiiasynyń taralýyna áser etetin tikelei faktor. Osyǵan bailanysty azamattardyń jappai demalý oryndarynda jáne qoǵamdyq kólikterde karantin talaptaryn túsindirý jumystary kúsheitildi. Politsiia qyzmetkerleri, epidemiolog qyzmetkerler jáne aýdan ákimdikteriniń qyzmetkerlerinen qurylǵan ondaǵan mobildi top óz jumystaryn jalǵastyrýda», –deidi Almaty qalasy Politsiia departamenti bastyǵynyń orynbasary Nurlan Almasbekov.
Tártip saqshylary almatylyqtardy maska rejimin, áleýmettik araqashyqtyqty jáne karantindik talaptardy qatań saqtaýǵa shaqyrady.
«Bul Sizdiń jáne jaqyndaryńyzdyń densaýlyǵynyń qaýipsizdiginiń kepili. Árqaisymyzdyń qaýiptiń seiilmegenin jáne qorǵanys quraly infektsiianyń taralýyn barynsha azaitýǵa kómektesetinin túsinýimiz mańyzdy. Qandai da bir sebeptermen betperde rejimin saqtamaityn azamattar úshin inspektorlar meditsinalyq betperde kiiý kerektigin eske salyp, betperde usynady. Mundai jumys barlyq jerde júrgiziledi», – dep qorytyndylady Nurlan Almasbekov.
