Foto: Halyqstan.kz
Almaty – Óskemen tasjolynda jolaýshylar avtobýsy jol apatyna ushyrap, júrgizýshi qaza tapty, dep habarlaidy Ult.kz.
23 jeltoqsan kúni tańerteń Abai oblysyndaǵy Taskesken aýylynyń mańynda, avtojoldyń 681-shaqyrymynda Úrjar baǵytyna bet alǵan jolaýshylar avtobýsy KamAZ júk kóligimen soqtyǵysqan.
Jol-kólik oqiǵasy saldarynan avtobýs júrgizýshisi oqiǵa ornynda kóz jumdy. Apat kezinde zardap shekken úsh adam Taskesken aýyldyq aýrýhanasyna jetkizilgen. Dárigerlik tekserýden keiin olardyń barlyǵy úilerine qaitarylǵan.
Abai oblysynyń Politsiia departamenti atalǵan derek boiynsha sotqa deiingi tergep-tekserý bastalǵanyn habarlady. Quzyrly organ ókilderi júrgizýshilerdi jolda jyldamdyq rejimi men araqashyqtyqty saqtaýǵa, qarsy baǵytqa shyqpaýǵa jáne kólikti tek tolyq tynyqqan jaǵdaida ǵana basqarýǵa shaqyrdy.
