Almatyda kóp qabatty úidiń shatyry órtendi. Adamdardy evakýatsiialap, órtti aýyzdyqtaýǵa jarty saǵattai ýaqyt jumsaldy, dep habarlaidy Sputnik agenttigi.
Nazarbaev dańǵylyndaǵy 43-shi úide saǵat 12:00 shamasynda órt shyqty. Tótenshe jaǵdai týraly habar túsken soń órt sóndirýshiler birden meken-jaiǵa jetken.
Az ýaqyt ishinde oqiǵa baqylaýǵa alynyp, jarty saǵattan soń órt tolyqtai sóndirildi.
Qazirgi ýaqytta Almaty qalasy tótenshe jaǵdailar departamentiniń qyzmetkerleri jumysyn jalǵastyryp jatyr. Zardap shekkender týraly aqparat joq. Úiden 30 adam kóshirilgen.
Jóndeý jumystary kezinde qaýipsizdiktiń saqtamalmaýy órtke sebep bolǵan. Bitýmdy qyzdyrý úshin ashyq ot qoldanylǵan. Merdiger kompaniia ákimshilik jaýapkershilikke tartylady.
