الماتىدا كٶپ قاباتتى ٷيدٸڭ شاتىرى ٶرتەندٸ. ادامداردى ەۆاكۋاتسييالاپ, ٶرتتٸ اۋىزدىقتاۋعا جارتى ساعاتتاي ۋاقىت جۇمسالدى, دەپ حابارلايدى Sputnik اگەنتتٸگٸ.
نازارباەۆ داڭعىلىنداعى 43-شٸ ٷيدە ساعات 12:00 شاماسىندا ٶرت شىقتى. تٶتەنشە جاعداي تۋرالى حابار تٷسكەن سوڭ ٶرت سٶندٸرۋشٸلەر بٸردەن مەكەن-جايعا جەتكەن.
از ۋاقىت ٸشٸندە وقيعا باقىلاۋعا الىنىپ, جارتى ساعاتتان سوڭ ٶرت تولىقتاي سٶندٸرٸلدٸ.
قازٸرگٸ ۋاقىتتا الماتى قالاسى تٶتەنشە جاعدايلار دەپارتامەنتٸنٸڭ قىزمەتكەرلەرٸ جۇمىسىن جالعاستىرىپ جاتىر. زارداپ شەككەندەر تۋرالى اقپارات جوق. ٷيدەن 30 ادام كٶشٸرٸلگەن.
جٶندەۋ جۇمىستارى كەزٸندە قاۋٸپسٸزدٸكتٸڭ ساقتامالماۋى ٶرتكە سەبەپ بولعان. بيتۋمدى قىزدىرۋ ٷشٸن اشىق وت قولدانىلعان. مەردٸگەر كومپانييا ەكٸمشٸلٸك جاۋاپكەرشٸلٸككە تارتىلادى.
