Almatyda Nazarbaev dańǵylyndaǵy turǵyn úiden shyqqan órt oqshaýlandy. Bul týraly Tótenshe jaǵdailar departamenti málim etti, - dep habarlaidy Tengrinews.kz.
Órt sóndirýshiler Panfilov kóshesiniń boiyndaǵy, Nazarbaev 124 mekenjaiynda tórt qabatty ǵimarattan shyqqan órtti oqshaýlady.
Málimet boiynsha, páterler jaldamaly bolǵan. Barlyq turǵyn evakýatsiialandy. Órt saǵat 16.40-ta oqshaýlandy. Órtti sóndirý jumystary jalǵasyp jatyr.
Aita keteiik, buǵan deiin Almaty ortalyǵynda órtten shyqqan qoiý tútin turǵyndardy úreilendirgeni habarlanǵan bolatyn. 17 qyrkúiekte tústen keiin Nazarbaev dańǵyly men Qabanbai batyr kósheleriniń qiylysy mańynda qoiý tútin shyǵyp jatqany baiqalǵan. Politsiia alańdy qorshap, jaiaý júrginshiler men kólikter qozǵalysyn shektegen.
