Bir saǵat buryn ǵana ákimi otstavkaǵa ketken Almaty oblysynyń Tekeli qalasyna jańa basshy taǵaiyndaldy. Endi bul qyzmetti Batyr Moldahmetov atqarady, dep habarlaidy "Ult qaparat".
Batyr Qaiyrkenuly Moldahmetov 1978 jyly Almaty qalasynda týǵan. 1999 jyly I. Jansúgirov atyndaǵy Jetisý memlekettik ýniversitetin «Injener-pedagog» mamandyǵy boiynsha bitirgen, 2003 jyly D. Qonaev atyndaǵy ýniversitetin «Zańtaný» mamandyǵy boiynsha, 2007 jyly Q. Sátbaev atyndaǵy Qazaq últtyq tehnikalyq ýniversitetin «Qurylys» mamandyǵy boiynsha támamdaǵan.
2000-2001 jyldary QR Qarýly Kúshterinde qyzmet ótkergen.
Eńbek jolyn 1999 jyly Taldyqorǵan qalasynyń politehnikalyq kolledjinde óndiristik oqytý sheberi bolyp bastaǵan. Almaty oblysy ákimi orynbasarynyń keńesshisi, Almaty oblysy ákimi apparatynyń bas mamany-oblys ákimi birinshi orynbasarynyń kómekshisi, Almaty oblysy ákimi birinshi orynbasarynyń kómekshisi, Panfilov aýdany ákiminiń orynbasary, Almaty oblystyq qurylys basqarmasy bastyǵynyń orynbasary, Almaty oblysynyń memlekettik sáýlet-qurylys baqylaý basqarmasy basshysynyń orynbasary, Tekeli qalasy ákimi apparatynyń basshysy bolyp qyzmet etken.
2018 jyldyń qańtar aiynan – Tekeli qalasy ákiminiń orynbasary boldy.
