Almaty oblysynyń soty karantinge jabyldy. Ǵimaratqa bógde adamǵa kirýge bolmaidy, isterdi qaraý keiinge shegerilgen, dep habarlaidy "Ult aqparat".
«COVID-19 koronovirýs infektsiiasynyń taralýy boiynsha jaǵdaidyń ózgerýine bailanysty maýsym aiynyń 8-i men 19-y aralyǵynda Almaty oblystyq sotynyń ǵimaratynda karantindik sharalar engiziledi»,- delingen atalǵan vedomstvonyń baspasóz qyzmeti taratqan habarlamada.
Endi sot ǵimaratyna belsendi dezinfektsiialyq óńdeý jumystary júrgizilip, bógde adamdardyń kirýine ruqsat etilmeidi.
Oblystyq sottyń barlyq qyzmetkerleri jeti kún úi karantinine oqshaýlanady; oblystyq sottyń jumysy qashyqtan onlain rejimge aýystyrylyp, keńsedegi jumys ýaqytsha toqtatylady; sot isterin qaraý meilinshe keiingi ýaqytqa shegeriledi.
Sot otyrystarynyń taǵaiyndalǵan kúni men ýaqyty týraly isterge qatysy bar taraptarǵa qosymsha aqparat joldanady; qysqa merzimde qaralýy tiis is materialdary, iaǵni Qylmystyq-protsessýaldyq kodeksiniń 107-baby negizinde qaralatyn materialdardy sýdia Taldyqorǵan qalalyq sotynyń ǵimaratynda qashyqtan jumys rejiminde qaraityn bolady.
Aita keterligi oblystyq sottaǵy shekteý sharalarynyń merzimi men rejimi koronovirýs infektsiiasyna qatysty jaǵdaidyń ózgerýine sáikes ózgertilýi múmkin.
