الماتى وبلىسىنىڭ سوتى كارانتينگە جابىلدى. عيماراتقا بٶگدە ادامعا كٸرۋگە بولمايدى, ٸستەردٸ قاراۋ كەيٸنگە شەگەرٸلگەن, دەپ حابارلايدى "ۇلت اقپارات".
«COVID-19 كورونوۆيرۋس ينفەكتسيياسىنىڭ تارالۋى بويىنشا جاعدايدىڭ ٶزگەرۋٸنە بايلانىستى ماۋسىم ايىنىڭ 8-ٸ مەن 19-ى ارالىعىندا الماتى وبلىستىق سوتىنىڭ عيماراتىندا كارانتيندٸك شارالار ەنگٸزٸلەدٸ»,- دەلٸنگەن اتالعان ۆەدومستۆونىڭ باسپاسٶز قىزمەتٸ تاراتقان حابارلامادا.
ەندٸ سوت عيماراتىنا بەلسەندٸ دەزينفەكتسييالىق ٶڭدەۋ جۇمىستارى جٷرگٸزٸلٸپ, بٶگدە ادامداردىڭ كٸرۋٸنە رۇقسات ەتٸلمەيدٸ.
وبلىستىق سوتتىڭ بارلىق قىزمەتكەرلەرٸ جەتٸ كٷن ٷي كارانتينٸنە وقشاۋلانادى; وبلىستىق سوتتىڭ جۇمىسى قاشىقتان ونلاين رەجيمگە اۋىستىرىلىپ, كەڭسەدەگٸ جۇمىس ۋاقىتشا توقتاتىلادى; سوت ٸستەرٸن قاراۋ مەيلٸنشە كەيٸنگٸ ۋاقىتقا شەگەرٸلەدٸ.
سوت وتىرىستارىنىڭ تاعايىندالعان كٷنٸ مەن ۋاقىتى تۋرالى ٸستەرگە قاتىسى بار تاراپتارعا قوسىمشا اقپارات جولدانادى; قىسقا مەرزٸمدە قارالۋى تيٸس ٸس ماتەريالدارى, ياعني قىلمىستىق-پروتسەسسۋالدىق كودەكسٸنٸڭ 107-بابى نەگٸزٸندە قارالاتىن ماتەريالداردى سۋديا تالدىقورعان قالالىق سوتىنىڭ عيماراتىندا قاشىقتان جۇمىس رەجيمٸندە قارايتىن بولادى.
ايتا كەتەرلٸگٸ وبلىستىق سوتتاعى شەكتەۋ شارالارىنىڭ مەرزٸمٸ مەن رەجيمٸ كورونوۆيرۋس ينفەكتسيياسىنا قاتىستى جاعدايدىڭ ٶزگەرۋٸنە سەيكەس ٶزگەرتٸلۋٸ مٷمكٸن.
