Almaty oblysynda politsiia soqqyǵa jyǵylǵan oqýshyǵa qatysty oqiǵaǵa túsinik berdi, dep habarlaidy QazAqparat.
Almaty oblystyq Politsiia departamentiniń málimetinshe, 6 jeltoqsanda Eńbekshiqazaq aýdany Rahat aýyldyq okrýginde oqýshylar arasynda janjal týyndaǵan.
«Tekserý barysynda oqiǵanyń sabaqtan keiin, saǵat 13:30-da №1 mekteptiń 10 jáne 11-synyp oqýshylary arasynda bolǵany anyqtaldy. Atalǵan fakti boiynsha QR QK-niń 293-baby boiynsha sotqa deiingi tergeý jumystary bastaldy (buzaqylyq)», - dedi politsiiadan.
Tergeý aiasynda sot-meditsinalyq saraptama taǵaiyndaldy.
Tergeý barysyn PD basshylyǵy óz baqylaýyna alǵan. Atalǵan fakti boiynsha materialdar kámeletke tolmaǵandardyń quqyǵyn qorǵaý jónindegi komissiiaǵa jiberiledi.
