Almaty oblysynyń politsiiasy Qonaevta 28 jastaǵy Resei azamatyn politsiia qyzmetkerleri zorlady degen aqparatty joqqa shyǵardy, dep habarlaidy ult.kz.
Politsiia málimetinshe, áieldiń aryzy boiynsha qylmystyq is qozǵalyp, kúdikke ilingen eki er adam ustalyp, ýaqytsha ustaý izoliatoryna qamalǵan. Tergeý Almaty oblysy PD Tergeý basqarmasyna tapsyryldy.
Vedomstvo oqiǵanyń barlyq mán-jaiy tekserilip, kúdiktilerdiń áreketine quqyqtyq baǵa beriletinin málimdedi.
«Kúdiktilerdiń politsiia qyzmetkerleri ekeni týraly aqparat shyndyqqa janaspaidy. Tek resmi derekkózderge senýdi suraimyz», – delingen PD habarlamasynda.
Buǵan deiin áleýmettik jelide Resei azamaty ózin Qonaevtaǵy politsiia qyzmetkerleri top bolyp zorlady dep málimdegen. Áiel politsiia bóliminde aryz jazýǵa májbúr bolǵanyn jáne keiin páterine tintý júrgizilgenin aitqan.
