Epidemiologiialyq jaǵdaidyń kúrt ózgerýine bailanysty Kegen, Talǵar aýdandarynda, sondai-aq Taldyqorǵan qalasynda karantin rejimi kúsheitildi, dep habarlaidy "Ult aqparat".
Bul týraly «Jetisy media» aqparattyq alańynda Almaty oblysy Densaýlyq saqtaý basqarmasynyń basshysy Baýyrjan Ysqaq habarlady. Onyń aitýynsha, indet juqtyrýǵa qatysty jaǵdailardyń tirkelýi osy óńirlerde anyqtalǵan. Osyǵan sáikes, saqtyq sharalary qaitadan kúsheitilip otyr.
«Búgingi tańda Almaty oblysynda koronavirýspen aýyrǵandar sany 212-ge jetti. Onyń ishinde 73 patsient statsionarda emdelýde. Naýqastarmen 2 254 adam bailanysta bolǵany anyqtaldy, olardyń barlyǵy meditsinalyq baqylaýǵa alyndy. Epidemiologiialyq zertteý júrgizilip jatyr. Qazirgi ýaqytta koronavirýs infektsiiasynyń belsendi 3 oshaǵy bar. Bul Talǵar, Panfilov aýdandary men Taldyqorǵan qalasy. Demek, karantindik sharalar kúsheitiledi», - dep atap ótti Baýyrjan Ysqaq.
Kúrdeli epidemiologiialyq jaǵdaiǵa qaramastan, Almaty oblysynda karantindi kezeń-kezeńmen jeńildetý jalǵasyp keledi. 18 sáýirden bastap, oblystyń bas memlekettik sanitarlyq dárigeriniń jańa qaýlysyna sáikes, blokpostar alynyp, mańyzdy nysandardyń birqatary jumysqa kirisedi.
«Jospar boiynsha, koronavirýs infektsiiasy qolaisyz aýmaqtardy qospaǵanda, aýdandar men qalalar arasyndaǵy blokpostar alynyp tastalady. Qoǵamdyq monshalar, saýnalar, SPA, massaj ortalyqtary jumys istei bastaidy. Qyzmet kórsetý salasy, syiymdylyǵy 30 oryndyq qoǵamdyq tamaqtaný, sondai– aq jazǵy alańy bar ashyq aýada jumys isteitin nysandar,azyq-túlik jáne azyq-túlik satpaityn bazarlar saǵat 10:00-den 17:00-ge deiin jumys isteýge ruqsat etiledi», - dedi oblystyń bas memlekettik sanitarlyq dárigeriniń orynbasary Ashat Charapiev.
Budan basqa, jańa qaýlyǵa sáikes, sanitarlyq-dezinfektsiialyq sharalar men maska rejimin qatań saqtai otyryp, mektepke deiingi uiymdarda kezekshi toptar, shaǵyn bilim berý ortalyqtary, úiirmeler, tehnikalyq qaýipsizdik boiynsha jaýapty qutqarýshylardy daiarlaý jáne qaita oqytý, sondai-aq kúzet jáne basqa da mamandandyrylǵan uiymdar qaitadan jumys isteidi. Stadiondar 50 orynǵa deiin ashylady. Qapshaǵai qalasynda «Baldáýren» respýblikalyq oqý-saýyqtyrý ortalyǵy» RMQK jumys istei bastaidy.
