ەپيدەميولوگييالىق جاعدايدىڭ كٷرت ٶزگەرۋٸنە بايلانىستى كەگەن, تالعار اۋداندارىندا, سونداي-اق تالدىقورعان قالاسىندا كارانتين رەجيمٸ كٷشەيتٸلدٸ, دەپ حابارلايدى "ۇلت اقپارات".
بۇل تۋرالى «Jetisy media» اقپاراتتىق الاڭىندا الماتى وبلىسى دەنساۋلىق ساقتاۋ باسقارماسىنىڭ باسشىسى باۋىرجان ىسقاق حابارلادى. ونىڭ ايتۋىنشا, ٸندەت جۇقتىرۋعا قاتىستى جاعدايلاردىڭ تٸركەلۋٸ وسى ٶڭٸرلەردە انىقتالعان. وسىعان سەيكەس, ساقتىق شارالارى قايتادان كٷشەيتٸلٸپ وتىر.
«بٷگٸنگٸ تاڭدا الماتى وبلىسىندا كوروناۆيرۋسپەن اۋىرعاندار سانى 212-گە جەتتٸ. ونىڭ ٸشٸندە 73 پاتسيەنت ستاتسيوناردا ەمدەلۋدە. ناۋقاستارمەن 2 254 ادام بايلانىستا بولعانى انىقتالدى, ولاردىڭ بارلىعى مەديتسينالىق باقىلاۋعا الىندى. ەپيدەميولوگييالىق زەرتتەۋ جٷرگٸزٸلٸپ جاتىر. قازٸرگٸ ۋاقىتتا كوروناۆيرۋس ينفەكتسيياسىنىڭ بەلسەندٸ 3 وشاعى بار. بۇل تالعار, پانفيلوۆ اۋداندارى مەن تالدىقورعان قالاسى. دەمەك, كارانتيندٸك شارالار كٷشەيتٸلەدٸ», - دەپ اتاپ ٶتتٸ باۋىرجان ىسقاق.
كٷردەلٸ ەپيدەميولوگييالىق جاعدايعا قاراماستان, الماتى وبلىسىندا كارانتيندٸ كەزەڭ-كەزەڭمەن جەڭٸلدەتۋ جالعاسىپ كەلەدٸ. 18 سەۋٸردەن باستاپ, وبلىستىڭ باس مەملەكەتتٸك سانيتارلىق دەرٸگەرٸنٸڭ جاڭا قاۋلىسىنا سەيكەس, بلوكپوستار الىنىپ, ماڭىزدى نىسانداردىڭ بٸرقاتارى جۇمىسقا كٸرٸسەدٸ.
«جوسپار بويىنشا, كوروناۆيرۋس ينفەكتسيياسى قولايسىز اۋماقتاردى قوسپاعاندا, اۋداندار مەن قالالار اراسىنداعى بلوكپوستار الىنىپ تاستالادى. قوعامدىق مونشالار, ساۋنالار, سپا, ماسساج ورتالىقتارى جۇمىس ٸستەي باستايدى. قىزمەت كٶرسەتۋ سالاسى, سىيىمدىلىعى 30 ورىندىق قوعامدىق تاماقتانۋ, سونداي– اق جازعى الاڭى بار اشىق اۋادا جۇمىس ٸستەيتٸن نىساندار,ازىق-تٷلٸك جەنە ازىق-تٷلٸك ساتپايتىن بازارلار ساعات 10:00-دەن 17:00-گە دەيٸن جۇمىس ٸستەۋگە رۇقسات ەتٸلەدٸ», - دەدٸ وبلىستىڭ باس مەملەكەتتٸك سانيتارلىق دەرٸگەرٸنٸڭ ورىنباسارى اسحات چاراپيەۆ.
بۇدان باسقا, جاڭا قاۋلىعا سەيكەس, سانيتارلىق-دەزينفەكتسييالىق شارالار مەن ماسكا رەجيمٸن قاتاڭ ساقتاي وتىرىپ, مەكتەپكە دەيٸنگٸ ۇيىمداردا كەزەكشٸ توپتار, شاعىن بٸلٸم بەرۋ ورتالىقتارى, ٷيٸرمەلەر, تەحنيكالىق قاۋٸپسٸزدٸك بويىنشا جاۋاپتى قۇتقارۋشىلاردى دايارلاۋ جەنە قايتا وقىتۋ, سونداي-اق كٷزەت جەنە باسقا دا مامانداندىرىلعان ۇيىمدار قايتادان جۇمىس ٸستەيدٸ. ستاديوندار 50 ورىنعا دەيٸن اشىلادى. قاپشاعاي قالاسىندا «بالدەۋرەن» رەسپۋبليكالىق وقۋ-ساۋىقتىرۋ ورتالىعى» رمقك جۇمىس ٸستەي باستايدى.
