Almaty oblysynda keibir karantindik sharalar jeńildetildi. Oqýshy sany 300-den aspaityn qala jáne aýyl mektepterinde bilim berý dástúrli formatqa kóshti, dep habarlaidy "Ult aqparat".
Degenmen, synyptarda bala sany 25-ten aspaýy tiis. Sondai-aq óńirde bastaýysh jáne mektep bitirýshi synyptar da oflain oqý ádisine oraldy.
Budan bólek, búginnen bastap oblys kásipkerleri «Ashyq» biryńǵai jobasynyń talaptarymen jumys isteýge kiristi. Qazirdiń ózinde Taldyqorǵan qalasynda 90-ǵa jýyq nysan tirkelip, halyqqa qyzmet kórsetýin bastap ketti. Olardyń qatarynda 80 qoǵamdyq tamataný orny, fitnes ortalyqtary men eki kinoteatr bar. Óńir turǵyndary da jańa júiege beiimdelip, mobildik qosymshany júktep, qajetti qyzmet túrlerin alýda.
«Óńir «qyzyl» aimaqta bolsa, osy joba boiynsha kásipkerlik nysan «sary» aimaqtyń talaptary boiynsha jumys isteidi. Eger óńir «sary» aimaqta bolsa, onda kásipkerlik nysan «jasyl» aimaqtaǵy erejeler boiynsha jumys isteidi«, - dedi Almaty oblystyq kásipkerler palatasynyń resmi ókili Dias Beisenbek.
