Kásipkerlerge «basymdy qatyrmańdar» degen Almaty oblysynyń bas sanitarlyq dárigerine qatań sógis berý usynyldy. Endi ádep keńesiniń bul usynysyna bailanysty sheshimdi Densaýlyq saqtaý ministri Aleksei Tsoi qabyldaidy, dep habarlaidy "Ult aqparat".
Jańa ǵana Taldyqorǵanda Almaty oblystyq bas sanitarlyq dárigerdiń isi ádep keńesinde qaraldy.
Prezident Ákimshiligi jáne Densaýlyq saqtaý ministrligi tarapynan Erǵali Sydymanovtyń halyqpen dóreki sóilesken áreketi boiynsha isti qaraý tapsyrylǵanyn ádep keńesiniń tóraǵasy Liazzat Muqataiqyzy jetkizdi.
Keńes músheleriniń barlyǵy Erǵali Sydymanovtyń áreketin talqylap, memlekettik qyzmetshi etikasyn saqtamaǵany úshin qatań sógis berýdi usyndy.
Endigi kezekte bul usynysty Densaýlyq saqtaý ministri qaraityn bolady.
