Almaty oblysynyń Alakól aýdanyndaǵy kópirdi sý shaiyp ketti, dep habarlaidy "Ult aqparat".
Alakól aýdandyq baspasóz qyzmetiniń málimetinshe, qazir kópirdi qalpyna keltirý júrgizilip jatyr.
«Alakól aýdany aýmaǵyndaǵy oblystyq mańyzdy bar Qabanbai-Lepsi avtomobil jolyndaǵy kópirdi sý shaiyp ketti. Oqiǵa 30 sáýir kúni saǵat 21:00 shamasynda boldy. Taýdan aqqan ózen sýynyń shamadan tys kóterilýinen kópirdiń bir jaq shetin shaiyp ketti», - delingen vedomstvonyń taratqan habarlamasynda.
Qazirgi kezde «Alakól joldary» jáne «SPM-306» mekmelerinen 6 tehnika jetkizilip, qajetti mamandar jumyldyrylyp, kópir qaita keltirilip jatyr.
«Atalǵan kópirdiń qurylys jumystaryna tapsyrys berýshi Almaty oblysynyń jolaýshy kóligi jáne avtomobil joldary basqarmasy. Merdiger mekeme «SMP-306» JShS mekemesi», - dep tolyqtyrdy atalǵan vedomstvonyń ókilderi.
