Almaty oblysynyń ákimi Táýelsiz Qazaqstannyń úzdik injeneri atandy. Bul týraly búgin Almaty qalasyndaǵy «Turan» Ýniversitetinde ótken «Táýelsiz Qazaqstannyń Úzdik injeneri» jáne «2016 jyldyń úzdik injeneri» respýblikalyq konkýrstarynyń jeńimpazdaryn marapattaý saltanatynda belgili boldy, dep habarlaidy "Ult aqparat" Almaty oblysy ákimdiginiń resmi saityna silteme jasap.
Sharany ashqan Qazaqstan Respýblikasy Ulttyq injenerlik akademiianyń prezidenti Baqytjan Jumaǵulov konkýrstyń negizgi maqsaty óńirlerdi damytýdy yntalandyrý, áleýmettik-ekonomikalyq damýdyń barlyq mańyzdy baǵyttarynda ilgerileýdi júzege asyrý ekenin atap ótti.
- Injenerler ekonomikanyń barlyq salalary – óndiristiń aýyl sharýashylyǵynyń, óndirý jáne basqa da salalardyń damýyna zor úles qosyp keledi, - dedi B. Jumaǵulov.
Konkýrs qorytyndysy boiynsha «Táýelsiz Qazaqstannyń Úzdik injeneri» joǵary ataǵyna Almaty oblysynyń ákimi Amandyq Batalov ie boldy. Oblys basshysyna altyn medal men diplomdy Ulttyq injenerlik akademiianyń konkýrstyq komissiiasynyń tóraǵasy, akademiia prezidiýmynyń múshesi, akademik Asqar Qulybaev tapsyrdy.
Injenerlik ideialardyń jańashyl bastamashysy, óndiristiń iri uiymdastyrýshysy Almaty oblysynyń ákimi A. Batalovtyń basshylyǵymen óńirde 2010-2016 jyldary 50 investitsiialyq joba júzege asyrylyp, 7515 jańa jumys orny ashylǵany, 158 jańa nysan paidalanýǵa berilip, qoldanystaǵy 60 kásiporyn keńeitilgeni atap ótildi.
A. Batalovtyń shyǵarmashylyq injenerlik oilary men maqsatqa jetýdegi tabandylyǵynyń arqasynda oblys ortalyǵy jańaryp-jańǵyrdy, jańa innovatsiialyq elektrondy keshendi jer kartasy jasaldy, gazdandyrý isinde aýqymdy jumystar júrip jatyr, Balqash kólin saqtaý men damytýǵa jaǵdai jasalýda, sýarylatyn jerlerdiń kólemi artyp, jańa sýarmaly jerler igerilýde, qyzylsha sharýashylyǵy qalpyna keltirildi, sol siiaqty óńirdiń áleýmettik-ekonomikalyq damýynda basqa da tolaiym tabystarǵa qol jetkizildi.
Óz kezeginde oblystyń birinshi basshysy konkýrstyń uiymdastyrý komitetine Jetisý óńiriniń damýyn joǵary baǵalaǵany úshin rizashylyǵyn bildirdi.
- Almaty oblysy – áleýeti zor aimaq. Qazirgi kezde zor qarqynmen damyp keledi. Táýelsizdiktiń 25 jyly ishinde kóptegen nátijelerge qol jetkizildi. Máselen, 1991 jyly oblys biýdjeti 11,7 milliard teńgeni qurasa, bul kórsetkish biylǵy jyly 403 milliard teńgege jetti, sonyń 140 milliard teńgeden astamynyń ózi bir ǵana bilim salasyna baǵyttalyp otyr, - dedi A. Batalov.
Atap ótsek, konkýrstyq komissiianyń qaraýyna elimizdiń barlyq óńirlerinen 200-den astam úmitker usynylǵan.
