Bozymbaev óńirdiń bólinýi ózi úshin de jańalyq bolǵanyn jetkizdi. Onyń aitýynsha, bul aimaqty basqarý turǵysynan ońaiyraq bolady.
"Prezident óńir eki bólikke bólinse, basqarý turǵysynan yńǵaily bolatynyn naqty aitty. Aglomeratsiia úlken rol atqarady, ol jaqsy uiymdastyrylmaǵan. Búginde Almaty oblysynyń aýmaǵynda 215 myń adam baý-baqsha alqaptarynda, saiajailarda turady. Shyn máninde, olarda qarapaiym kommýnaldy qyzmetter joq. Bolǵan kúnniń ózinde qymbat jáne t.b. Shyn máninde, bul jumysty júrgizý kerek, ol investitsiiany qajet etedi. Tártip ornatý kerek. Bas jospardy ózgertý qajet. Bul - úlken jumys", - dep jaýap berdi ol.
Qanat Bozymbaev Almaty oblysynyń ákimi laýazymynda qala ma degen suraqqa jaýap berdi.
"Men muny sheshpeimin. Jalpy, qalamyn ba, joq pa, ony da sheshpeimin", - dedi ákim.
Óńir ákimi Qapshaǵai qalasynyń ataýyn Qonaev dep ózgertýdi qoldaitynyn da málimdedi.
"Dinmuhamed Ahmetulynyń kezinde bul qalanyń negizi qalanyp, salyndy. Ony jeke ózim qoldaimyn. Bul qala ata-babalarym ǵasyrlar boiy ómir súrgen aýmaqta ornalasqan, sondyqtan ony qoldaimyn. Bul jerdi qasterleimin. Meniń oiymsha, Dimash Ahmetulynyń esimi Almaty oblysy turǵyndarynyń esinde jaqsy saqtalǵan", - dedi Qanat Bozymbaev.
Bozymbaev óńirdi bólý úshin qosymsha qarajat bólý qajet emes ekenin atap ótti.
