Almaty oblysy Ishki saiasat basqarmasyndaǵy Jetisy media eki kúnge karaoke jaldamaq bolǵan. Tapsyrys memlekettik satyp alý saitynda jariialandy, - dep habarlaidy Tengrinews.kz.
16 aqpanda memlekettik satyp alý saitynda memlekettik kásiporyn eki kúnge karaoke jaldaý boiynsha ótinimder qabyldaitynyn jariialady. Bul qyzmetke 195 myń teńge usynyldy.
Almaty oblysy ishki saiasat basqarmasynyń Jetisy media KMM ókilderi ótinim joiylǵanyn habarlady. Buǵan deiin "Internetsiz 7 kún" realiti-shoý formatynda karaoke-konkýrs ótkizý josparlanǵan bolatyn.
"Karaoke qyzmeti Almaty oblysynyń turǵyndary arasynda is-shara ótkizýge arnaldy. Jobanyń maqsaty - Internettiń kúndelikti ómirdegi mańyzyn tómendetý jáne odan tys ómir óte qyzyq jáne paidaly ekenin kórsetý. Búgingi urpaqqa ómirdi internetsiz elestetý qiyn. Zertteýlerge sáikes, adamdar internette, atap aitqanda áleýmettik jelilerde barǵan saiyn kóbirek otyra bastaǵan. Baǵasy aitylǵan usynys óshirilgenine nazar aýdaraiyq. Epidemiologiialyq jaǵdaiǵa bailanysty bul is-shara basqa formatta ótedi", - dep habarlady Jetisy media ókilderi.
Eske salaiyq, Almaty oblysynda karaoke qyzmeti bas memlekettik sanitariia dárigerdiń 9 sáýirdegi №8 qaýlysyna sáikes toqtatyldy. Alaida Qazaqstannyń Bas memlekettik sanitariia dárigeriniń qaýlysy boiynsha, karaoke qyzyl aimaqta bolsa da, 5 mamyrdan bastap Ashyq qosymshasy arqyly jumys istei alady.
