Almaty oblysynyń Jarkent qalasynda COVID-19 infektsiiasynyń bir jaǵdaiy tirkeldi, dep habarlaidy "Ult aqparat" oblys ákiminiń baspasóz qyzmetine silteme jasap.
Epidemiologiialyq tekserý barysynda 1989 jyly týǵan azamattan KVI anyqtalǵan. Osyǵan bailanysty Panfilov aýdandyq bas memlekettik sanitar dárigeriniń qaýlysymen Jarkent qalasy 30 sáýir saǵat 00.00-den bastap karantinge jabyldy.
Patsient Shelek aýylyndaǵy aýdandyq aýrýhanasyna jatqyzyldy. Onyń 15 adammen qarym-qatynasta bolǵany anyqtaldy. Olardyń barlyǵy Panfilov aýdandyq aýrýhanasynyń provizorlyq bólimine karantinge alyndy.
Epidemiologiialyq tekserýler jalǵasyp jatyr.
